المقارنه بين السيارات العملية والفارهة

42 26

لايمكنك التصويت حتى الحصول على 20 نقطة على الأقل
إضغط هنا للإخفاء

التركي 1403 17
قبل 9 سنه و 2 شهر

السلام عليكم ورحمة الله وبركاته

عند شراء سيارة الكثير مننا يبحث عن قطع الغيار الاستهلاكية فقط ويسأل عنها

مثل فحمات الفرامل و الفلاتر و المساعدات فقط

وكأنها هي القطع الوحيدة اللي تخرب بالسياره

وينسى قطع بعضها الكترونية لو خربت فهي بقيمة تكلفة توضيب مكينة سياره أخرى

كان ودي اسوي بحث أطول عن قطع الغيار الغاليه ببعض السيارات التي تعتبر شعبية

ولكن بحثت بالنت ما وجدت الاجابة الشافية فقلت اكتب شيء من علمي والمقربين لي بتجاربهم

نزلت مقارنات كثير بين قطع غيار السيارت بالمنتدى هنا

مثلا بين مازدا زووم 6 و الكامري والسوناتا والالتيما والاكورد

على سبيل المثال وكانت المازدا ارخص بأشياء كثيرة خصوصا القطع الخارجيه مثل كبوت ورفارف

وكانت الالتيما رخيصة من ناحية المساعدات 

وكنا نستغرب من رخص القطع

واللي يبي يشتري سيارة المانية مثل مرسيدس او BMW

يروح نفس الشيء يسأل عن القطع الاستهلاكية يحصلها رخيصة ويتحمس ويتورط لو خربت

نجي للمصايب 

الألتيما مثلا مساعداتها جدا رخيصة الاصلية ولكن عندك قطعة تتحكم بتشغيل السياره بالزر

تحت الدركسون وهي قطعة الكترونية اي لحظة تخرب عليك

يعني ممكن تطفيها عند البيت سليمة تجي تشغلها ما تشتغل تكون تعطلت القطعة

وقيمتها حوالي 4500 ريال 

طبعا لو جاء احد يشتري التيما ما عمره سأل عنها يروح يستفسر عن قطع العادة تكون استهلاكية

ولو خربت هذي القطعة عنده كره السياره بعدها

عندك مثلا BMW  حتى الموديلات القديمة 2003 مثلا

وهي من زمان الجلنط حقها الكتروني 

لو تعطل اصلاحة فقط يكلفك حوالي 4000 ريال 

لكن لو جيت تشتريها تروح تسأل عن فحمات وبواجي واشياء استهلاكية ولا تركز بالمصايب

عندك مثلا نظام ABS 

لو تعطل سيارة عادية عندي مثلا باللومينا شغال له اكثر من سنه لمبتة

والسيارة تمشي طبيعي وعزمها طبيعي ومثبت السرعة شغال وكل شيء تمام

ولكن لو تعطل بسيارة أوروبية يكون النظام مرتبط مع القير بشكل مباشر

مثبت السرعة يفصل و عزم السيارة يطيح للنصف تقريبا تكون السياره ميته معك

مجبور تسويها والا السياره ما تمشي معك وصعب استخدامها

يعني نظام مرتبط بالسياره بشكل كامل

الوالد معاه فولفو 2010 واخوي 2008 

وكلها نفس المكينة 

ولكن اللي مع الوالد ما شاء الله عزم جبار مخيف 

جربت حقت اخوي عزمها مثل اللومينا اللي معي او انشط شوي 

اقوله كيف شريتها وانت تقول جربتها تمام

قال ايه عزمها عادي

هو قارنها معاه مازدا 6 موديل 2009

وشاف الفولفو اقوى بفرق واضح يتوقع هذا عزمها 

والتوربو فيها فيه مشكله ولا يتصلح لازم غيار وقيمته حوالي 8000 ريال تقريبا 

قبل اسبوع خلط زيت القير مع ماء الرديتر وطلعت المشكله من المبرد 

و حجم المبرد صغير مثل كف اليد تقريبا وقيمته 2400 ريال

ولا يتولف له مبرد ثاني لأنه جاي مدخلين ومخرجين ماهو مثل المبردات العادية المعروفه

لكن لو المبرد خرب بجمس مثلا ويكون خارجي 

ما راح يخرب ممكن يكون فيه تهريب يتصلح او يتغير كله مبردات امريكية منتشرة حجم كبير 

بسعر 400 ريال يعني ما تشيل همها 

ولكن لو جاك مبرد مثل حق الفولفو خارجي ولكن تبريد ليس بالهواء

تبريد بالماء هنا المصيبه 

هذا لو خرب لحاله زين المشكله يخرط مع ماء الرديتر ويتأثر القير 

يعني قد يتلف القير عندك وتكون المصيبه مضاعفة

عندك مثلا الازيرا المكينه الكبيرة الشكل القديم

مكينة 3.8

القطع الاستهلاكية مساعدات واذرعة ومقصات وكل شيء فيها جدا رخيص 

ولكن لو راحت عليك المكينه قيمتها حوالي 11 الف بالتشليح وغير متوفره الا بصعوبة

و القير حقها قيمته حوالي 8500 ريال وغير متوفر مثل مكينه 3300 

يعني فيه سيارات تغريك بقطع غيارها الرخيصة الاستهلاكية 

ولكن تطلع لك مصيبه تعميك تكرة السياره كلها منها بقيمة القطعة او عدم توفرها

ولو نظرنا للقطع الاستهلاكية وحدها 

فيه سيارات قطعها الاستهلاكية معقولة ولكن تعمر معك فترة طويله 

وسيارات قطعها الاستهلاكية غالية و نصف عمر السيارات الاخرى تستهلك بسرعة

يعني لو جيت تشتري سياره لا تسأل عن القطع الاستهلاكية فقط

خذ فكرة كاملة عن القطع

و فكرة عن مدى تحمل القطع الاستهلاكية منها هل عمرها طويل او لا

إبلاغ

الردود